CEO បិសាចក្រហម Richard Arnold ចាកចេញពីតំណែង ក្រោយកាន់ការ 16ឆ្នាំ

នាយកប្រតិបត្តិនៃក្លិបបិសាចក្រហម Manchester United លោក Richard Arnold នឹងចាកចេញពីតំណែងបនក្រោយចំណាយពេល 16ឆ្នាំ ខណៈដែលកិច្ចព្រមព្រៀងរបស់ទិញភាគហ៊ុនរបស់លោក Sir Jim Ratcliffe ហ៊ុន 25% នៅ Old Trafford ខិតជិតសម្រេចជោគជ័យ។ Richard Arnold បានមកជំនួស

Ed Woodward កាលពីខែកុម្ភៈ ឆ្នាំ 2022។ ការចាកចេញរបស់លោក Arnold កើតឡើងនៅពេលដែលក្រុមហ៊ុន Ineos Group របស់ Ratcliffe រៀបចំដើម្បីបញ្ចប់ការទិញភាគហ៊ុនមួយចំណែកតូចដែលមានតម្លៃ 1.25 ពាន់លានផោនរបស់ខ្លួនពី United ។ ទីប្រឹក្សាទូទៅលោក Patrick Stewart នឹងចូលកាន់តំណែងជានាយកប្រតិបត្តិបណ្តោះអាសន្ន ខណៈពេលដែលក្លឹបសម្រេចលើការជំនួសអចិន្ត្រៃយ៍។

រំលឹកថាលោក Richard Arnold បានមកដល់ Manchester United តាំងពីឆ្នាំ 2007 ហើយទទួលបានតំណែងនាយកបច្ចេកទេសនៅឆ្នាំ 2013 រហូតបន្តតំណែងនាយកប្រតិបត្តិនេះបន្តពីលោក Ed Woodward នៅឆ្នាំ 2022៕